Mae SoCOM (Grŵp Cymorth Cymdeithasol a Chyfathrebu) yn cynnal gweithgareddau o bell (ar-lein) a gall unrhyw fyfyriwr yn y Drindod Dewi Sant eu mynychu.
Mae SoCom yn cynnig syniadau a gweithgareddau gyda’r nod o annog mwy o hunan-barch, a’r gallu i ddeall ac ymdopi â materion sy’n gysylltiedig ag anawsterau cymdeithasol a chyfathrebu, gyda’r potensial i ddatblygu grŵp ffrindiau a rhwydwaith cymorth newydd.
Beth sy’n digwydd yn y sesiynau
Bydd y nosweithiau dysgu a gweithgareddau rhyngweithiol yn seiliedig naill ai ar brofiadau a sgiliau cymdeithasol a chyfathrebu, neu ar strategaethau hunan-barch a llesiant.
Rydym yn gweithio ar ddatblygu strategaethau ar gyfer lles y meddwl a’r corff, gan edrych ar ffyrdd ‘ymwybodol ofalgar’ o ymdopi, sut i hybu atgyrchedd personol er mwyn ennill gwell dealltwriaeth ohonoch eich hun a phobl eraill, a phwysigrwydd hunan-feithrin ar gyfer hapusrwydd a llwyddiant.
Caiff y rhain sylw trwy:
- trafodaethau,
- dysgu strategaethau’n rhyngweithiol,
- rhannu profiadau a gwybodaeth, a
- digwyddiadau cymdeithasol / rhyngweithiol.
Sut galla i gymryd rhan?
Cynhelir y sesiynau ar nos Lun 6:30-9:30pm (rhwng 6 Ebrill a 15 Mehefin 2020). I gofrestru a chael mwy o wybodaeth ymunwch â grŵp Facebook SoCom neu cysylltwch â Mel Long.
Mae amserlen y sesiynau ar gael isod
Amserlen
-
-
GORMODEDD AC OSGOI
Arferion afiach. Datblygu strategaethau ar gyfer gorbryder a llesiant.
- TRAFOD: Arferion cadarnhaol a negyddol rydych chi wedi eu datblygu i ymdrin â gorbryder a straen. Rhannu a dysgu strategaethau cadarnhaol ar gyfer datblygu ffyrdd iach o ymdopi â straen cyn iddo eich llethu.
GWEITHGAREDD: Patrwm ymarfer corff dyddiol cyflym; Arfer ymwybyddiaeth ofalgar.
-
YMDOPI Â THEIMLO ALLAN O REOLAETH.
Arfer cadarnhaol i ddatblygu lefel uwch o hapusrwydd personol. ystyried sut y gall hyn ac offer eraill helpu hunan-gred, gan gynyddu’ch gallu i anelu at nodau yn y dyfodol a’u cyflawni.
- GWEITHGAREDD: Arferion myfyrio ymwybyddiaeth ofalgar.
- TRAFOD: Unigrwydd; dryswch; maeth; ymarfer corff a meithrin yr hunan; y droell ddisgynnol; sbardunau emosiynol a chwalfeydd.
Mae llesiant a hapusrwydd personol yn hanfodol ar gyfer: agwedd cwpan hanner llawn; gweld, dilyn a chyflawni nodau; gallu i brosesu ymddygiad yr hunan ac eraill er mwyn datblygu a chadw perthnasoedd iach.
-
CERDDORIAETH I’R COF, EICH HWYLIAU A’CH YMWYBYDDIAETH OFALGAR
Datblygu dealltwriaeth o’r modd y gall sain, yn brofiad synhwyraidd, gefnogi dysgu a lles.
- TRAFOD: Sut mae sain yn effeithio arnoch.
- GWEITHGAREDD:<Ymwybyddiaeth ofalgar o sain
- TRAFOD: Sut y gall cerddoriaeth helpu’r cof a ffocysu’r dysgu.
- GWEITHGAREDD:Gwrando ar gerddoriaeth, i ffocysu’r meddwl, helpu’r cof, ymlacio
- TRAFOD: Sut y gall cerddoriaeth dawelu meddyliau a helpu’r meddwl i ymlacio.
- TRAFOD: defnyddio clustffonau’n gadarnhaol i ddileu synau sy’n mynd â’ch sylw, canolbwyntio’r meddwl, teimlo’n ‘ddiogel’ (wedi’ch dal gan y pwysau/wedi eich cloi yn eich byd eich hun).
-
POSITIFRWYDD
Datblygu strategaethau i oresgyn negatifrwydd a chwalfeydd a hyrwyddo arfer cadarnhaol cynaliadwy.
Ystyried llesiant personol ac arfer cadarnhaol i ddatblygu lefel uwch o hapusrwydd. Archwilio sut gall strategaethau ac offer helpu hunan-gred, gan gynyddu’r gallu i anelu at nodau yn y dyfodol a’u cyflawni.
- GWEITHGAREDD: Patrwm ymarfer corff dyddiol cyflym. Myfyrio Ymwybyddiaeth Ofalgar- Meta Barvna (Caredigrwydd Cariadus), i annog datblygu perthnasoedd cadarnhaol.
- TRAFOD: Theori’r Meddwl (eich deall eich hun ac eraill). Emosiynau ac ymddygiadau negyddol (unigrwydd, dryswch, esgeulustod, sbardunau emosiynol, chwalfeydd, ac ati).
Sut i ddatblygu positifrwydd (ar gyfer agwedd cwpan hanner llawn, i ddilyn a chyflawni nodau, prosesu ymddygiad yr hunan ac eraill, a datblygu a chynnal perthnasoedd iach).
-
GWELEDIGAETHAU’R DYFODOL (Noson Grefftau – Byrddau Gweledigaethau)
Datblygu offer synhwyraidd gweledol i helpu positifrwydd ar gyfer cynlluniau a breuddwydion y dyfodol. Defnyddio creadigrwydd i hyrwyddo llesiant.
TRAFOD: Gobeithion, breuddwydion a disgwyliadau’r dyfodol, a’r manteision a ddaw i’ch rhan trwy wirfoddoli.
GWEITHGAREDD: Llunio darn creadigol sy’n canolbwyntio ar safbwyntiau cadarnhaol.
-
YMDRIN Â’R ANHYSBYS (peintio wynebau a gwisgo i fyny)
Datblygu strategaethau ymdopi ar gyfer ymdrin â sefyllfaoedd anhysbys ac ofnus. Deall ymyleiddio ac ‘arallrwydd’.
- TRAFOD: Sut mae’n teimlo i ymwneud â phrofiadau a phobl anhysbys. Sut mae’n teimlo i fethu â ffitio i mewn. Strategaethau ar gyfer ymdopi â’r materion hyn.
- FFOCWS (am hwyl): gwisgo i fyny ac wyneb yn paentio’ch hun fel ysbrydion, fampiriaid, bleidd-ddynion, tylwyth teg, sombïaid ac estroniaid, gan gynrychioli’r ‘anhysbys’ neu’r ‘arall’, a hynny’n seiliedig ar safbwyntiau diwylliannol ar ‘arallrwydd’, yn enwedig ynghylch anabledd.
-
GWAITH TÎM A SGILIAU NEGODI
Datblygu dealltwriaeth o Rannu, Negodi, Hunanymwybyddiaeth, Sgiliau Sgwrsio ac Osgoi Ymddygiad Gormesol a Hunanol ynoch eich Hun ac mewn Eraill.
TRAFOD: sut i negodi, rhannu, bod yn deg, gwrando, eich hyrwyddo eich hun a pherfformio mewn grŵp.
-
YMWYBYDDIAETH OFALGAR GYDA GEIRIAU (Noson grefftau)
Datblygu dealltwriaeth o eiriau, eu defnydd a’u camddefnydd a’u grym cadarnhaol.
- TRAFOD: Priodoleddau, grym a gallu dinistriol geiriau.
- GWEITHGAREDD: Arfer ymwybyddiaeth ofalgar ar sut i ddefnyddio geiriau disgrifiadol i wella CVs a datblygu datganiad personol.
- GWEITHGAREDD: Creu collage o eiriau cadarnhaol i greu cerdd neu fantra.
-
YMDRIN Â THERFYNIADAU A NEWID
Atgyfnerthu’r holl strategaethau blaenorol a’u defnyddio yn y dyfodol ar gyfer positifrwydd parhaus.
- TRAFOD:
- sut i ddatblygu positifrwydd ynghylch newid.
- Defnyddioldeb defodau a chyfrifoldebau.
- Cynnal hunan gymhelliant er mwyn rhoi sylw i draethawd hir dros yr haf, gwneud cais am swyddi, newid lleoliad.
Datblygu defodau newydd a strategaethau eraill yn y dyfodol.
-
SESIWN i GLOI: SYMUD YMLAEN
Cadarnhau cymorth grŵp ar gyfer amseroedd ar wahân ac adfyfyrio’n gadarnhaol ar ‘newid’.
GWEITHGAREDD: creu eich datganiadau eich hun, ac offer eraill i annog positifrwydd ynghylch newid.
